شہ سرخیاں
Home / پاکستان / عمران خان آنے والے الیکشن میں وزیر اعظم منتخب ہوکر نئے پاکستان کی بنیاد ڈالینگے ۔پی ۔ٹی ۔آئی چترال

عمران خان آنے والے الیکشن میں وزیر اعظم منتخب ہوکر نئے پاکستان کی بنیاد ڈالینگے ۔پی ۔ٹی ۔آئی چترال

چترال(نمائند ہ چترال آفیئرز) سپریم کورٹ آف پاکستان کی طرف سے وزیر اعظم نواز شریف کو نااہل قرار دینے کی خوشی میں پی ٹی آئی نے چترال پریس کلب میں مٹھائی تقسیم کی جبکہ اس سے پہلے ایم پی اے فوزیہ کی قیادت میں ایک ریلی نکالی گئی جوکہ پریس کلب میں اختتام پذیر ہوگئی ۔ پریس کلب میں پریس کانفرنس سے خطاب کرتے ہوئے صوبائی وزیر زراعت اکرام اللہ خان گنڈاپور نے ممبران صوبائی اسمبلی ضیاء اللہ بنگش، زرین ضیاء، ارباب جہانداد خان، نرگس اور فوزیہ کی معیت میں ایک پریس کانفرنس سے خطاب کرتے ہوئے کہاکہ یہ فیصلہ ملک کی تاریخ میں سنگ میل کی حیثیت رکھتی ہے جس نے یہ ثابت کردی کہ کرپشن کے خلاف عمران خان کی جہاد کے نتیجے میں اب کوئی بھی قانون سے ماوراء نہیں اور ہر چور کو آخر قانون کے شکنجے میں آنا ہوگا چاہے وہ ملک کا وزیر اعظم ہی کیوں نہ ہو ۔ انہو ں نے 2018ء عمران خان کی کامیابی کاسال ثا بت ہوگا جس میں وہ ہی ملک کا وزیر اعظم منتخب ہوکر نیا پاکستان کی بنیاد ڈال دلینگے ۔ انہوں نے کہاکہ عمران خان واحد لیدڑ ہیں جس پر کبھی کرپشن کا الزام عائد نہیں ہوااور ملک سے غربت ، جہالت اور پسماندگی کا خاتمہ صرف اور صرف وہی کریں گے۔ انہوں نے کہاکہ پارٹی کے ورکر اصل سرمایہ ہیں جوکہ عمران خان کے وژن کو عملی جامہ پہنا نے کے لئے ان کے ہاتھ مضبوط کردیں گے۔ اس موقع پر گونواز گو کے نعرے بھی لگائے گئے۔ضلعی صدر عبداللطیف اور پارٹی کے دیگر قائدین رضیت باللہ اور حاجی سلطان محمد بھی اس موقع پر موجود تھے۔

Facebook Comments

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے