Chitral Affairs News for All
چترال(گل حما دفاروقی) چترال کے نہایت شمال مغرب میں واقع وادی بروغل کے لوگ اس جدید دور میں بھی مال برداری اور سفر کیلئے گھوڑا، گدھا، حچر اور یاک یعنی جنگلی بیل استعمال کرتے ہیں۔ یہ لوگ پتھر کے زمانے کے دور سے گزررہے ہیں جہاں نہ تو کئی سڑک ہے نہ بجلی، نہ سکول نہ ہسپتال، نہ موبائل فون نہ کسی قسم کا سہولت۔ وادی بروغل تاجکستان اور واخان کے سرحد پر واقع ہے ۔ اس وادی میں کوئی سڑک نہیں ہے تاہم چند سال قبل آرمی انجنیرنگ کمپنی نے چترال سکاؤٹس چھاونی تک کچا سڑک بنایا تھا مگر اس سے آگے لوگ اب بھی گھوڑے پر سفر کرتے ہیں یا پیدل چلتے ہیں۔ یہاں دور دور تک کوئی سکول نہیں ہے اور وادی کے لڑکیاں مال مویشی پالتی ہیں اور کھیتوں میں بیٹھ کر سارا دن پھتر والا کھیل کھیلتی ہیں۔ اس وادی میں محتلف قسم کے جنگلی حیات بھی پائے جاتے ہیں۔ یہاں پہاڑوں سے برف پگھل کر دریا میں گرتا ہے جہاں دودھیاں رنگ کا پانی سیاحوں کا دل مول لیتے ہیں۔ اس وادی میں کوئی ہسپتال تک نہیں ہے لوگ بیماری کی صورت میں دیسی علاج کراتے ہیں۔امسال ملک کے دیگر حصو ں کی طرح بروغل بھی خشک سالی کا شکار ہو اور بارش نہ ہونے کی وجہ سے یہاں کوئی فصل نہیں اگ سکا۔
