شہ سرخیاں
Home / تازہ ترین / فرنٹیئر کور پلک سکول اینڈ کالج چترال میں سالانہ تقسیم انعامات کی پروقار تقریب منعقد ہوئی

فرنٹیئر کور پلک سکول اینڈ کالج چترال میں سالانہ تقسیم انعامات کی پروقار تقریب منعقد ہوئی

چترال(بشیر حسین آزاد) فرنٹیئر کور پبلک سکول اینڈ کالج (FCPS) چترال میں سالانہ تقسیم انعامات کی تقریب منعقد ہوئی جسمیں پلے گروپ کلاس سے لیکر کلاس ہشتم تک کے تمام پوزیشن ہولڈرز طلبہ میں انعامات تقسیم کئے گئے۔چیئرمین ایف سی پی ایس اینڈ کالج کمانڈنٹ چترال سکاؤٹس کرنل معین الدین اس تقریب کے مہمان خصوصی تھے۔تقریب میں سکول کے بچوں نے حمد باری تعالیٰ ،نعت شریف،ملی نغمے اور انگریزی اور اردو میں خاکے پیش کئے۔ سکول کے بچوں نے مختلف ٹیبلوز پیش کئے جن میں انہوں نے وطن سے اپنی محبت کا اظہار منفرداندازمیں کیا۔تقریب کے آخر میں مہمان خصوصی کمانڈنٹ چترال کرنل معین الدین نے خطاب کرتے ہوئے کہا کہ بچوں کی تعلیم وتربیت میں اساتذہ کے ساتھ ساتھ والدین اور معاشرے کے دیگر افراد کا بھی بڑا ہاتھ ہے۔اُنہوں نے کہا کہ تعلیمی ادارے قوم کے نونہالوں کی درست سمت پر رہنمائی کریں اور آگے جاکر یہی بچے ملک وقوم کا باگ دوڑ سنبھالیں گے۔تقریب میں مہمان خصوصی کرنل معین الدین اور دیگر معزز مہمانان نے پوزیشن ہولڈرز طلبہ اور تقریب میں مختلف شعبوں میں حصہ لینے والے بچوں میں انعامات تقیسم کیے۔

Facebook Comments