شہ سرخیاں
Home / تازہ ترین / جسٹس فائز عیسیٰ کے خلاف ریفرنس؛چترال کی وکلاء برادری نے احتجاجی مظاہرہ کیا

جسٹس فائز عیسیٰ کے خلاف ریفرنس؛چترال کی وکلاء برادری نے احتجاجی مظاہرہ کیا

چترال(محکم الدین)حکومت کی طرف سے سپریم کورٹ آف پاکستان کے جج جسٹس فائز عیسیٰ کے خلاف ریفرنس پر ڈسٹرکٹ بار ایسوسی ایشن لوئر چترال کے زیر اہتمام وکلا ء کا ایک احتجاجی جلسہ بازار پل چترال میں منعقد ہواجس کی صدارت ممتاز قانون دان صوبائی بار کونسل کے ممبر عبد الولی ایڈوکیٹ نے کی۔اس موقع پر خطاب کرتے ہوئے ڈسٹرکٹ بار کے وکلاء محمد عظیم بیگ ایڈوکیٹ،غلام حضرت انقلابی ایڈوکیٹ،برہان شاہ ایڈوکیٹ،ساجد اللہ ایڈوکیٹ، عالمزیب ایڈوکیٹ،نیاز اے نیازی ایڈوکیٹ،محمد کوثر ایڈوکیٹ،صدر ڈسٹرکٹ بار خورشید حسین مغل ایڈوکیٹ اور ممبر صوبائی بار کونسل عبد الولی ایڈکیٹ نے کہا کہ کٹ پتلی اور سلیکٹڈ حکومت اب اپنی تمام ناکامیوں کے بعد عدلیہ پر وار کرنے کا آغازکیا ہے اور پس پردہ سپورٹر زکی ایما ء پر یہ تمام تر کام کیا جارہا ہے تاکہ عدلیہ کے اندر دیانتدار ججز کو بدنام کیا جائے اور اپنے من پسند ججز کے ذریعے مرضی فیصلے حاصل کریں۔انہوں نے کہاکہ جسٹس فائز عیسی ایک بہادر اور دیانتدار جج ہیں جس نے فیض آباد دھرنے کے پیچھے محرکات کو بے نقاب کیا اور آج اس کی پاداش میں جسٹس موصوف کے خلاف ریفرنس دائر کیا جا رہا ہے جو کہ سراسر حکومت اور پس پردہ سپورٹرز کی کارستانی ہے۔ انہوں نے کہاکہ آج ملک دوبارہ انتشار افرا تفری کا شکار ہے اور ایسا کرنے میں بعض اداروں کا ہاتھ ہے جو اپنے لئے اقتدار میں آنے کے راستے تلاش کر رہے ہیں۔انہوں نے کہاکہ موجودہ حکومت 1970کے بعد سب سے ناکام حکومت ہے،پوری دنیا میں موجودہ وزیر اعظم کی باتوں پر اعتبار نہیں کیا جاتاکیونکہ خود کٹ پتلی وزیر اعظم صبح اپنے کہے الفاظ شام کو واپس لیتے ہیں،ایسے حکمران پر کون اعتماد کرے گا۔انہوں نے کہاکہ موجودہ حکومت ظالم ہے،اس نے غریبوں کا جینا حرام کر دیا ہے اس لئے اس کو مزید رہنے کاکوئی حق نہیں۔

Facebook Comments
error: Content is protected !!