شہ سرخیاں
Home / تازہ ترین / شندور،ارندو،ارسون بارڈرسے چترال میں داخل ہونے والے مسافروں مختلف علاقوں میں قائم کیے گئے بیسک ہیلتھ یونٹ میں اسکرنینگ کیاجائے گا/ڈی سی اپرچترال شاہ سعود/لوئرچترال نویداحمد

شندور،ارندو،ارسون بارڈرسے چترال میں داخل ہونے والے مسافروں مختلف علاقوں میں قائم کیے گئے بیسک ہیلتھ یونٹ میں اسکرنینگ کیاجائے گا/ڈی سی اپرچترال شاہ سعود/لوئرچترال نویداحمد

چترال (نمائندہ  چترال) ملک میں کرونا وائرس سے متاثر افراد کی تعداد میں اضافے کے پیش نظر حفاظتی اقدامات لیتے ہوئے لویر چترال کے ڈپٹی کمشنر نوید احمد نے ضلعے میں داخل ہونے کے چار مقامات لواری ٹنل، ارندو بارڈر، ارسون اور چترال ایر پورٹ پر ضلعے میں داخل ہونے والے مسافروں کی اسکریننگ کا فیصلہ کیا ہے تاکہ اس وائرس سے متاثرہ کوئی شخص یہاں بیماری کے پھیلانے کا باعث نہ بن سکے۔ ذرائع کے مطابق ان مسافروں کی اسکریننگ کی جائے گی جن میں کروناوائرس سے متاثر ہونے کے علامات میں کوئی ایک علامت پائی جائے جن میں بخار اور ہائی ٹمپریچرکے ساتھ کھانسی اور زکام شامل ہیں۔ فیصلے کے مطابق لواری ٹنل سے چترال میں داخل ہونے والوں کی اسکریننگ بیسک ہیلتھ یونٹ عشریت میں، ارندو بارڈر کے مسافروں کی بیسک ہیلتھ یونٹ ارندو، ارسون بارڈر کے مسافروں کا تحصیل ہیڈکوارٹرز ہسپتال دروش اور ہوائی جہاز سے آنے والے مسافروں کا ڈسٹرکٹ ہیڈ کوارٹرز ہسپتال چترال میں ہوگی۔ضلع اپرچترال کے ڈپٹی کمشنر شاہ سعود نے گلگت بلتستان کے شندور سے آنے والے مسافروں کی اسکریننگ کرانے کا فیصلہ کیا ہے جس کا قریب ترین ہسپتال رورل ہیلتھ سنٹر مستوج ہے۔ درین اثناء لویر چترال کے ڈپٹی کمشنر نوید احمد نے کرونا وائرس سے بچاؤ کے لئے ایڈوائزری جاری کرتے ہوئے کہا ہے کہ غیر ضروری عوامی اجتماعات اور سفر سے گریز کیا جائے اور اس حوالے سے افواہوں اور غیر مستند خبروں کے ذریعے افراتفری پھیلانے سے صورت حال بگڑ سکتی ہے۔ انہوں نے کہاکہ کرونا وائرس سے انفرادی طور پر بچاؤ کے لئے دئیے گئے اختیاطی تدابیر پر مکمل عمل کیا جائے۔

Facebook Comments