شہ سرخیاں
Home / تازہ ترین / موری لشٹ میں پٹرول پمپ کے ساتھ سیاحوں کی قیام کیلئے بھی ٹورزم سنٹر کھول دیا گیا۔

موری لشٹ میں پٹرول پمپ کے ساتھ سیاحوں کی قیام کیلئے بھی ٹورزم سنٹر کھول دیا گیا۔

چترال(گل حماد فاروقی) چترال کے خوبصورت اور وسیع علاقے  موری لشٹ میں  پٹرول پمپ کے ساتھ  سیاحوں کی قیام کیلئے بھی  مرکز کھول دیا گیا۔ سیاحوں کی اس قیام گاہ میں کمروں کے ساتھ ساتھ، باورچی حانہ بھی بنایا گیا ہے جس میں باہر سے آنے والے مسافر اور سیاح قیام بھی کرسکتے ہیں جن کو وہاں باورچی فراہم کیا جائیگا جو ان  سیاحوں کیلئے فرمائشی کھانے بھی تیار کرسکے گا۔
  اخونزادہ صدام حسین  نے موری لشٹ کے اس وسیع علاقے میں شجاع فلنگ اسٹیشن کے نام پر یہ پٹرول پمپ کھول دیا ہے۔ جس کا افتتاح معروف مذہی اور سماجی رہنماء قاضی محمد نسیم نے کیا۔  اس موقع پر مقامی صحافیوں سے باتیں کرتے ہوئے اخونزادہ صدام حسین نے بتایا کہ چترال کے بالائی علاقوں اور گلگت بلتستان، شندور جانے والے مسافر اکثر مشکلات کا سامنا کرتے تھے کئی مسافروں کی شکایت تھی کہ ان کو پٹرول پمپ میں ڈیزل تو ملتا ہے مگر پٹرول اکثر پمپوں میں نہیں ملتا اسلئے ہم نے یہ کوشش کی ہے کہ اس فلنگ اسٹیشن میں چوبیس گھنٹے ڈیزل کے ساتھ ساتھ پٹرول  بھی دستیاب ہوگی۔
ان کا کہنا ہے کہ ہم نے مسافروں  اور سیاحوں کی قیام کیلئے  یہاں باقاعدہ ایک علیحدہ عمارت بھی تعمیر کی ہے جس  میں دیگر سہولیا ت کے ساتھ ساتھ  ایک باورچی حانہ بھی بنایا ہے جس میں باورچی بھی موجود ہے اور مسافر یا سیاح یہاں آکر قیام بھی کرسکتے ہیں۔ ان کا کہنا ہے کہ موری لشٹ کا علاقہ بہت وسیع اور خوبصورت علاقہ ہے او ر یہاں کے پر امن ماحول میں مہمان اور سیاحوں کو گھر جیسے ماحول فراہم ہوگا۔
ایک سوال کے جواب میں اخونزادہ صدام حسین نے کہا کہ وہ مقدار اور معیار پر یقین رکھتے ہیں اور ان کے پمپ میں اعلے ٰ معیار یا ڈیزل اور پٹرل میسر ہوگا اور پیمانہ بھی  درست اور پورا ہوگا کیونکہ اکثر لوگ یہ بھی شکایت کیا کرتے  تھے کہ انتظامیہ کو یہ اکثر یہ شکایت رہی ہے کہ بعض پٹرول پمپوں میں تیل کی مقدار کم ہوتی ہے لہذا ہم عوام کو پورا  تیل فرہم کریں گے اور پیمانہ میں کبھی بھی بے ایمانی نہیں کریں گے۔
Facebook Comments
error: Content is protected !!