شہ سرخیاں
Home / تازہ ترین / کوارڈنیٹر ٹو پرائم منسٹر احمد خان نیازی کا ڈی ایچ کیوہسپتال چترال کادورہ

کوارڈنیٹر ٹو پرائم منسٹر احمد خان نیازی کا ڈی ایچ کیوہسپتال چترال کادورہ

چترال (نمائندہ چترال آفیئرز)کوارڈینیٹر ٹو پرائم منسٹر آف پاکستان احمد خان نیازی نے ڈسٹرکٹ ہیڈ کوارٹر ہسپتال چترال کا دورہ کیا۔اس موقع پر ڈسٹرکٹ ہیڈ کوارٹر ہسپتال چترال کے ایم ایس ڈاکٹرشمیم نے انہیں کرونا صورت حال بارے ہسپتال میں تمام تر انتظامات پر تفصیلی بریفنگ دی۔اس موقع پروزیر اعظم عمران خان کے کوارڈینیٹر احمد خان نیازی نے ڈاکٹر،نرسز اورپیرامیڈیکس اسٹاف کے ساتھ اظہار یکجہتی کرتے ہوئے کرونا وائرس کی وبا کی اس مشکل گھڑی میں ان کی کاوشوں کو سراہا اور بھر پور حوصلہ افزائی کی۔انہوں نے کہاکہ ڈاکٹرز کرونا وبا کیخلاف فرنٹ لائن پر ہیں وہ اپنے آپ کو اکیلے نہ سمجھیں،حکومت کرونا وائرس کی وبائی صورتحال میں ہرممکن مدد کیلئے ہمہ وقت تیار ہے۔ احمد خان نیازی کا کہنا تھا کہ وزیر اعظم کی ہدایت پر چترال آیاہوں تاکہ ان کا پیغام اپنے صحت کے شعبے سے وابستہ افراد کی حوصلہ افزائی کر کے پہنچا سکوں تمام ہسپتالوں کا دورہ کرونگا کسی بھی ہسپتال کودرپیش مسائل سن کر متعلقہ حکام تک پہنچانے کی بھروپوکوشش کرونگا۔اس موقع پرہسپتال کمیٹی سے مختصرملاقات کی اس دوران حسین احمدنے ہسپتال میں ڈ ائی لیسز مشین کی مرمت اوردوسر ے جدید طبی مشینری کی فوری انسٹالیشن کامطالبہ کیا۔احمدخان نیازی نے کہاکہ صوبائی حکومت صحت کے شعبے میں انقلابی اقدامات پر یقین رکھتی ہے ڈی ایچ کیوہسپتال چترال کے مسائل حل کرنے کی ہرممکن کوشش کریں گے۔اس موقع پر وزیراعلیٰ کے معاون خصوصی برائے اقلیتی امور وزیرزادہ،ضلعی کابینہ کے ارکان،ہاہرسے آئے ہوئے پارٹی قائدین اورچترال کے پارٹی ورکرزکثیرتعدادمیں موجودتھے۔

Facebook Comments