شہ سرخیاں
Home / تازہ ترین / قدرتی آفات کے نقصانات کو کم کرنے اومتاثرین کی مدد کے حوالے کالاش ویلی میں تین روزہ ٹریننگ کا انعقاد

قدرتی آفات کے نقصانات کو کم کرنے اومتاثرین کی مدد کے حوالے کالاش ویلی میں تین روزہ ٹریننگ کا انعقاد

چترال ( نمائندہ چترال آفیئرز ) قدرتی آفات کے نقصانات کو کم سے کم کرنے اور آفات سے متاثر مصیبت زدہ لوگوں کی مدد کرنے والے رضاکاروں میں لیڈر شپ اجاگر کرنے کے سلسلے میں آغاخان ایجنسی فار ہبیٹاٹ ( آکاہ) کے زیر اہتمام تین روزہ یونین کونسل بیسڈ ڈیزاسٹررسک منیجمنٹ ٹریننگ کالاش ویلی بمبوریت کے ایک مقامی ہوٹل میں منعقد ہوا ۔ یہ ٹریننگ نیشنل ڈیزاسٹر منیجمنٹ فنڈ کے مالی تعاون سے نادرن پاکستان کے پہاڑوں کے مربوط تحفظ وترقی پراجیکٹ کے تحت عمل میں لایا گیا تھا۔ تین روزہ تربیتی ورکشاپ کے اختتامی تقریب کے مہمان خصوصی گورنمنٹ سکل ڈویلپمنٹ سنٹر بمبوریت کے پرنسپل شاہ عبد الوہاب تھے ۔ جبکہ دیگر مہمانوں میں لیکچرر صلاح الدین اور ریسرچ آفیسر کالاشہ دور میوزیم بمبوریت اکرام حسین تھے ۔

 

؎ورکشاپ سے خطاب کرتے ہوئے ٹرینر سید رحیم آمان شاہ اور شگفتہ عالیہ نے کہا ۔ کہ آفات کے موقع پر جہاں دوسرے افراد مشکل سے دوچار ہوتے ہیں ۔ وہاں اسپشل افراد سب سے زیادہ ہمدردی اور مدد کے محتاج ہوتے ہیں ۔ اس لئے اسپشل افراد کی مدد کو ترجیح دی جانی چاہیے ۔ انہوں نے کہا ۔ کہ آکاہ آگہی اور تربیتی ورکشاپ کے علاوہ تین کمپوننٹ پر کام کر رہا ہے ۔ جن میں سکولوں کی ریٹو فیٹنگ ، آرلی وارننگ سسٹم اور حفاظتی پشتوں کی تعمیر شامل ہیں ۔ انہوں نے لوکل سپورٹ آرگنائزیشن اے وی ڈی پی کے کردار کی تعریف کی ۔ ورکشاپ میں گروپ ورک کئےگئے ۔ اور آفات سے متعلق تاریخی واقعات ، موسمی چارٹ اور خطرات سے دوچار مقامات کے علاوہ محفوظ مقامات کی نشاندہی کی گئی ۔ تاکہ خدا نخواستہ آفت آنے کی صورت میں لوگوں کو محفوظ پناہ گاہ فراہم کیا جا سکے ۔

 

اس موقع پر یونین کونسل ڈیزاسٹر رسک منیجمنٹ کمیٹی کے عہدہ داروں کا چناو بھی عمل لایا گیا ۔ جس کے تحت اسرار الدین چیرمین ، یاسر علی وائس چیرمین ، محمد آصف جنرل سیکرٹری اور حیات الدین انفارمیشن سیکرٹری کے فرائض انجام دیں گے ۔ چیرمین کمیٹی نے اپنے خطاب میں مطالبہ کیا ۔ کہ یونین کونسل کے تمام سرکاری و پرائیویٹ سکولوں اور کالجز میں موسمیاتی تبدیلیوں کے خطرات اور آفات سے بچاو کے متعلق آگہی اور تربیتی ورکشاپ منعقد کئے جائیں ۔ جبکہ مہمانوں نے اپنے خطاب میں سیاحتی علاقوں میں صفائی کے مناسب انتظام کی ضرورت پر زور دیا ۔ انہوں نے کہا ۔ کہ آفات سے بچاو اور سیاحت کی ترقی دونوں شعبوں میں ایک ساتھ کام کیا جانا چاہئیے۔ بعد آذان شرکاء میں سرٹفیکیٹ تقسیم کئے گئے۔ شرکاء نے ورکشاپ منعقد کرنے پر آکاہ کی تعریف کی ۔

Facebook Comments