شہ سرخیاں
Home / تازہ ترین / کریم آباد لوٹکوہ میں تین سگی بہنیں دریا شغور میں ڈوب کر جان بحق

کریم آباد لوٹکوہ میں تین سگی بہنیں دریا شغور میں ڈوب کر جان بحق

کریم آباد ( نمائندہ چترال) چترال لوئر کے علاقہ وادی کریم آباد کے نواحی گاؤں گالح میں تین سگی بہنیں کارپٹ دھوتے ہوئے دریائے شغور میں ڈوپ کر جان بحق ہو گئے۔ تفصیلات کے مطابق فوزیہ میر،مسکان میراور اریشین میر دختران میررحمت سکنہ کالح کریم آباد جمعہ کے روز دریائے شغور کے کنارے کارپٹ دھو رہے تھے کہ ان میں ایک بہن پھسل کر دریا میں ڈوب گئی ہے جس کو بچانے کی کوشش میں دیگر دو بہنیں بھی دریا کے بے رحم موجوں کے نذر ہوگئے ہیں ۔ ۔

تینوں کی لاشیں دریا سے برآمد کر کے آبائی گاؤں درونیل کریم آباد پہنچایا گیا۔ ذرایع کے مطابق فوزیہ میر عمر 24 سال سوات میں نرسنگ کررہی تھی۔مسکان میرعمر 14چھٹی اور اریشین 13 سال پانچویں کی طالبہ تھیں۔

ایک ہی گھر میں ایک ساتھ تین بچیوں کی اموات پر علاقے میں کہرام مچ گیا ہے اور ہر ایک انکھ اشکبار ہے ۔

درایں اثنا وزیر اعلیٰ خیبرپختونخوا کے معاون خصوصی وزیر زادہ نے اس واقعے پر گہری دکھ اور افسوس کا اظہار کیا ہے۔ ایک اخباری بیان میں انہوں نے غمزدہ خاندان سے تعزیت کا اظہار کرتے ہوئے کہا ہے کہ رنج کی ان لمحات میں صوبائی حکومت ان کے غم میں شامل ہے۔

Facebook Comments
error: Content is protected !!